അദ്ദിക്ർ

ആദമിന് എല്ലാ വസ്തുക്കളുടെയും പേരുകള്‍ പഠിപ്പിച്ചു എന്നുപറഞ്ഞതിന്‍റെ വിവക്ഷ എല്ലാ കാര്യങ്ങളും അടങ്ങിയ ത്രികാലജ്ഞാനമായ അദ്ദിക്ര്‍ പഠിപ്പിച്ചു എ ന്നാണ്. പ്രപഞ്ചത്തിന്‍റെ 'സോഫ്റ്റ് വെയറാ'യ അദ്ദിക്ര്‍ പഠിപ്പിക്കപ്പെട്ടതുവഴിയാണ് മ നുഷ്യന് മലക്കുകളെക്കാളും ഉന്നതമായ പദവി ലഭിച്ചതും അങ്ങനെ മനുഷ്യരുടെ മാര്‍ഗദര്‍ശനത്തിന്‍റെ കാര്യത്തില്‍ അല്ലാഹു അവനെ സന്മാര്‍ഗത്തിലേക്കൊ ദുര്‍മാര്‍ഗത്തിലേ ക്കോ നയിക്കാത്ത നിഷ്പക്ഷവാനായതും. 45: 13; 55: 1-4 വിശദീകരണം നോക്കുക. മനുഷ്യനെ ഏറ്റവും നല്ല കലണ്ടറില്‍ അഥവാ രൂപത്തില്‍ (അല്ലാഹുവിന്‍റെ ഛായയില്‍) ആ ണ് സൃഷ്ടിച്ചിട്ടുള്ളത്, പിന്നെ അവനെ അധമരില്‍ അധമനാക്കി, നാഥന്‍റെ സമ്മതപത്രമാ യ അദ്ദിക്ര്‍ കൊണ്ട് വിശ്വാസികളാവുകയും സല്‍കര്‍മ്മങ്ങള്‍ അനുഷ്ഠിക്കുകയും ചെയ്ത വരൊഴികെ എന്ന് 95: 4-6 ലും, നിശ്ചയം ആദം സന്താനങ്ങളെ നാം ബഹുമാനിച്ചിട്ടുണ്ട്, നാം അവരെ കരയിലും കടലിലും സഞ്ചരിപ്പിച്ചു, അവര്‍ക്ക് പരിശുദ്ധമായ ഭക്ഷണവിഭവങ്ങള്‍ നല്‍കുകയും നാം സൃഷ്ടിച്ച അധിക സൃഷ്ടികളേക്കാളും ശ്രേഷ്ഠത നല്‍കുകയും ചെയ്തു എന്ന് 17: 70 ലും പറഞ്ഞിട്ടുണ്ട്. 64: 2-3 ല്‍, അവനാണ് നിങ്ങളെ സൃഷ്ടിച്ചത്, അ പ്പോള്‍ നിങ്ങളില്‍ കാഫിറുണ്ട്; നിങ്ങളില്‍ വിശ്വാസിയുമുണ്ട്, അല്ലാഹു നിങ്ങളുടെ പ്രവര്‍ ത്തനങ്ങളെല്ലാം സദാ വീക്ഷിച്ചുകൊണ്ടിരിക്കുന്നവന്‍ തന്നെയാകുന്നു എന്ന് പറഞ്ഞിട്ടുണ്ട്.

 മലക്കുകളിലെ ഓരോ വിഭാഗത്തിനും അല്ലാഹു അവരവര്‍ക്ക് അറിയിച്ച് കൊടുക്കുന്ന അറിവ് മാത്രമേയുള്ളൂ. ജിന്നുകള്‍ മുഴുവന്‍ നാശകാരികളായി മാറുകയും മലക്കു കളാല്‍ അവര്‍ ഒന്നടങ്കം നശിപ്പിക്കപ്പെടുകയും ചെയ്ത പാശ്ചാത്തലത്തിലാണ് അവര്‍ 'കുഴപ്പമുണ്ടാക്കുകയും രക്തം ചിന്തുകയും ചെയ്യുന്നവരെയാണോ നീ നിയോഗിക്കുവാന്‍ പോകുന്നത്' എന്ന് ചോദിച്ചത്. ഒളിഞ്ഞതും തെളിഞ്ഞതുമായ കാര്യങ്ങള്‍ അറിയുന്നവ ന്‍ ത്രികാലജ്ഞാനിയായ അല്ലാഹു മാത്രമാണ്. അതാണ് അവന്‍റെ ത്രികാലജ്ഞാനി, എ ല്ലാം വലയം ചെയ്തവന്‍ എന്നീ ഗുണനാമങ്ങള്‍ പഠിപ്പിക്കുന്നത്. അവനെക്കുറിച്ച് അജയ്യഗ്രന്ഥമായ അദ്ദിക്റിന്‍റെ രചയിതാവായ ത്രികാലജ്ഞാനിയോട് ചോദിക്കാനാണ് 25: 59 ലൂടെ പ്രവാചകനോടും അതുവഴി വിശ്വാസിയോടും കല്‍പിച്ചിട്ടുള്ളത്.

1: 4 ല്‍ വിവരിച്ച പ്രകാരം നൂഹ് മുതല്‍ മുഹമ്മദ് വരെയുള്ള 313 പ്രവാചകന്മാരും നിയോഗിക്കപ്പെട്ടിട്ടുള്ളത് സത്യവും തെളിവുമായ അദ്ദിക്ര്‍ കൊണ്ടാണ്. ഇന്ന് ഒറ്റപ്പെട്ട വിശ്വാസി 7: 205-206 ല്‍ വിവരിച്ച പ്രകാരം പ്രഭാത പ്രദോഷങ്ങളില്‍ അദ്ദിക്ര്‍ തിലാവത്ത് ചെയ്യാനും തിലാവത്തിന്‍റെ സാഷ്ടാംഗ പ്രണാമം നടത്താനും അദ്ദിക്ര്‍ ലോകരില്‍ എത്തിച്ചുകൊടുത്തുകൊണ്ട് പ്രപഞ്ചനാഥനെ സഹായിക്കാനും 1000 സമുദായങ്ങളില്‍ പെട്ട ജീ വികള്‍ക്കെല്ലാം ഗുണകരമാകുന്ന വിധത്തില്‍ ജൈവകൃഷി ചെയ്യാനും ഫലവൃക്ഷങ്ങള്‍ വെച്ചുപിടിപ്പിക്കാനും അതിന് മറ്റുള്ളവരെ സഹായിക്കാനും പ്രേരിപ്പിക്കാനുമാണ് കല്‍പിച്ചിട്ടുള്ളത്. അതോടൊപ്പം തന്നെ ത്രികാലജ്ഞാനിയായ നാഥന്‍റെ മൊത്തം മനുഷ്യര്‍ക്കു ള്ള സന്ദേശമായ അദ്ദിക്ര്‍ ലോകര്‍ക്ക് എത്തിച്ച്കൊടുക്കുന്നതിന് തടസ്സം സൃഷ്ടിക്കുന്ന, നാഥന്‍റെ ശാപത്തിനും കോപത്തിനും വിധേയരായ കപടവിശ്വാസികളോടും കുഫ്ഫാറുകളോടും അദ്ദിക്ര്‍ കൊണ്ട് അധികരിച്ച ജിഹാദ് ചെയ്യുകയും വേണം. 2: 24-25, 38-39, 62 വിശദീകരണം നോക്കുക.